ᖃᒪᓂ’ᑐᐊᖅ ᓄᓇᓪᓚᑦᑖᕐᒦᑦᑐᖅ, ᑰᑉ ᐹᖓᓂ ᓯᓕᖕᓂᖅᓴᐅᔪᒥ, ᖃᓂᑦᑐᒻᒪᕆᐊᓗᒃ ᑲᓇᑕᐅᑉ ᕿᑎᓪᓚᑦᑖᖓᓄᑦ.
ᖃᒪᓂ’ᑐᐊᖅ ᖃᐅᔨᒪᔭᐅᑦᑎᐊᖅᑐᖅ ᐃᓄᐃᑦ ᓴᓇᙳᐊᖃᑦᑕᕐᓂᖏᓐᓄᑦ ᒥᖅᓱᖃᑦᑕᕐᓂᖏᓐᓄᑦ ᑎᑎᕋᐅᔭᖃᑦᑕᕐᓂᖏᓐᓄᓪᓗ.
ᖃᒪᓂ’ᑐᐊᖅ ᒪᕐᕉᖕᓂᒃ ᑰᖃᖅᑐᖅ ᐃᑦᓴᕐᓂᑕᖃᕐᕕᐅᔪᓂᒃ ᑰᒃᐸᒃᑑᒃ ᖃᒪᓂ’ᑐᐊᑉ ᑕᓯᖓᓄᑦ; ᑰᒃ ᐊᒻᒪᓗ ᓴᕐᕙᖅᑑᖅ. ᑖᑉᑯᐊ ᒪᕐᕉᒃ ᑰᒃᖑᔪᑦ ᐊᒻᒪᓗ ᐊᓯᖏᑦ ᖃᒪᓂ’ᑐᐊᑉ ᖃᓂᒋᔮᓃᑦᑐᑦ ᑲᔾᔮᕆᔭᐅᓪᓚᕆᓲᑦ ᓄᓇᒧᙵᐅᔪᒪᒃᑲᐅᔪᓄᑦ ᖃᔭᖅᑐᖃᑦᑕᖅᑐᓄᑦ ᑖᑉᑯᓇᓂ ᑰᖑᔪᓂ ᐊᐅᔭᒃᑯᑦ.
ᖃᒪᓂ’ᑐᐊᖅ ᒪᕐᕉᖕᓂᒃ ᐳᓚᕋᕐᕕᓕᒃ. ᐊᑯᒪᓕᒃ ᐳᓚᕋᕐᕕᒃ ᐊᐅᔭᒃᑯᑦ ᐅᒃᑯᐃᙶᖃᑦᑕᖅᑐᖅ ᐊᒻᒪᓗ ᐃᓄᐃᑦ ᐃᑦᓴᕐᓂᑕᖃᕐᕕᖓ ᐅᑭᐅᓗᒃᑖᖅ ᐅᒃᑯᐃᙶᖃᑦᑕᖅᖢᓂ. ᑕᑯᔭᖅᑐᕆᐊᖃᒻᒪᕆᒃᑕᓯ ᐃᓕᖅᑯᓯᑐᖃᕐᒥ ᐃᓕᑦᑎᒃᑲᓐᓂᕈᒪᒍᑉᓯ.
ᖃᒪᓂ’ᑐᐊᖅ ᓄᓇᒥ ᐱᓕᕆᕝᕕᐅᔪᒻᒪᕆᒃ, ᐊᒃᑐᖅᓯᓂᖃᖅᓯᒪᓪᓗᓂ ᑮᓇᐅᔾᔭᒃᓴᕈᑎᒃᑯᑦ ᐱᕙᓪᓕᐊᓂᒃᑯᑦ ᖃᒪᓂ’ᑐᐊᕐᒥ. ᐱᕙᓪᓕᐊᑎᑕᐅᓂᖓ ᐊᐳᖅᑎᓐᓈᖅᑐᒥ ᐅᔭᕋᖕᓂᐊᕐᕕᐅᑉ ᒎᓘᒥ ᐅᔭᕋᖕᓂᐊᖅᑐᑦ, ᓴᓇᔭᒃᓴᖅᑖᖅᑎᑦᑎᓯᒪᔪᖅ ᐊᒥᓱᓂᒃ ᖃᒪᓂ’ᑐᐊᕐᒥᐅᑕᓄᑦ. ᑖᒻᓇ ᐅᔭᕋᖕᓂᐊᕐᕕᒃ ᖃᒪᓂ’ᑐᐊᑉ ᐅᐊᖕᓇᖓᓃᑦᑐᖅ ᑕᐃᑯᙵ ᑎᑭᒃᑐᓐᓇᖃᑦᑕᖅᖢᑎᒃ ᐊᑉᖁᑎᒃᑯᑦ ᐊᑉᖁᑎ ᑕᑭᓂᓕᒃ 110 ᑭᓛᒥᑕᒥᒃ.
ᑐᑭᓯᒋᐊᕈᑎᒃᓴᑦ ᖃᐅᔨᒋᐊᕐᕕᒃᓴᓪᓗ:
- ᖃᒪᓂ’ᑐᐊᑉ ᕼᐊᒻᓚᖓ (http://bakerlake.ca)
- ᓄᓇᕗᒥ ᐳᓚᕋᖅᑐᓕᕆᓂᖅ (http://www.nunavuttourism.com)
- ᐊᐳᖅᑎᓐᓈᖅᑐᒥ ᐅᔭᕋᖕᓂᐊᕐᕕᒃ (http://www.agnico-eagle.com)
- ᓄᓇᕗᑦ ᒐᕙᒪᒃᑯᖏᑦ (http://gov.nu.ca)
- ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᖏᑦ (http://www.nunatsiaqonline.ca)
- ᓄᓇᓕᖕᒥ ᓯᓚ (http://www.weatheroffice.gc.ca)
- ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ (http://www.kivalliqinuit.ca)
- ᓰᐲᓰ − ᐅᑭᐅᖅᑕᖅᑐᖅ (http://www.cbc.ca/north/)